Ji bo rojbûna Abdullah Ocalan dar hatin danîn

2026-03-31 18:10:00


	 

	  

	 

	AMED - Li gundê Bîrakizîr ê navçeya Rezan a Amedê, bi boneya rojbûna Abdullah Ocalan 77 darên çam û 77 darên çinarê hatin danîn.

	 

	Platforma Saziyên Demokratîk, li gundê Bîrakizîr ê navçeya Rezan a Amedê, bi boneya rojbûna Rêberê Gelê Kurd Abdullah Ocalan, dar danîn. Di çarçoveya çalakiyê de li qada bi navê "Baxçê Azadiyê" yê li Qerejdaxê 77 çam û 77 çinar hatin danîn.

	 

	Di dema çalakiyê de tim dirûşmeyên “Bijî Serok Apo” û “Bê Serok jiyan nabe” hatin berzkirin. Piştî danîna daran, zarokan paste birî. Şêniyên taxê diyar kirin ku ji bo navê gund bikin "4'ê Nîsanê" ew tevbigerin.