Îranê di salekê de 44 jin darvekirin 

2025-11-29 14:51:12


	 

	NAVENDA NÛÇEYAN - Li gor rapora Rêxistina Mafên Mirovan a Îranê, ji despêka salê ve 44 jin li Rojhilatê Kurdistan û Îranê hatine darvekirin. H

	 

	Rêxistina Mafên Mirovan a Îranê di çarçoveya pêngava 16 rojî ya rûbirûbûna tûndûtijiya li dijî jinan de raporek belav kir.

	 

	Li gor raporê, ji despêka salê ve 44 jin li Rojhilatê Kurdistan û Îranê hatine darvekirin. Her wiha hatiye diyarkirin ku girtiyên siyasî yên jin di şert û mercên gelek zehmet de tên ragirtin û gelek caran bi zextên derûnî û gefan re rûbirû dimînin. Her wiha hatiye gotin ku girtiyên jin ên siyasî di salonek qerebalix de tên ragirtin, ji xizmetguzariyên sereke bê par tên hiştin û ev jî bandorek nerênî li ser tendirustiya wan dike.

	 

	Di raporê de hatiye gotin ku di 40 salên borî de li Rojhilatê Kurdistan û Îranê jinan hertim li dijî cûdakarî û astengiyan rabûne û nîşandane ew ji bo bidestxistina mafên xwe bihêz û bi israrin. Her wiha hatiye gotin ku jinan ispat kirine ku dikarin civakek dadperwer û bê tûndî ava bikin.

	 

	Di dawiya raporê de jî hatiye gotin ji ber rewşa heyî pêwîst dike ku civaka navdewletî û rêxistinên mafên mirov helwest nîşandin û piştgiriya mafên jinan bikin.