
Jinan behsa têkoşîna xwe ya li dijî tundiyê kirin 

2025-11-18 11:57:53


	&nbsp;

	
		AMED - Di xebata hişyarkirinê ya Şaredariya Bajarê Mezin a Amedê de ku li navendên jiyanê ya jinan pêk hat, cureyên tundiyê û ezmûnên jinan ên têkoşîna li dijî tundiyê hatin nîqaşkirin.
	
		&nbsp;
	
		Serokatiya Daîreya Xizmetên Jin û Malbatê, di çarçoveya xebatên ku di 25'ê Mijdarê Roja Têkoşîna li Dijî Tundiya Li Ser Jinan a Navneteweyî dimeşîne, armanc dike ku jin ezmûnên xwe diyar bikin û di warê naskirina tundiyê, danîna sînor û gihîştina mekanîzmayên piştgiriyê de xurt bibin. Di vê çarçoveyê de xebatên hişyarkirinê bi beşdariya çalak a jinan didomin.
	
		&nbsp;
	
		Cureyên tundiyê hatin destgirtin
	
		&nbsp;
	
		Li Navenda Jiyanê ya Jinan a Yenîkoyê di 3 koman de û li Navenda Jiyanê ya Jinan a Koşuyoluyê jî di 2 koman de bi giştî 109 jin beşdarî hevdîtinan bûn. Di xebatan de mijarên wekî "Tundiya Li Ser Jinan", "Cureyên Tundiyê" û "Mekanîzmayên Piştgiriyê yên Têkoşîna Li Dijî Tundiyê" hatin destgirtin. Hate diyarkirin ku tundiya fîzîkî, psîkolojîk, aborî, zayendî û dîjîtal bi awayekî pirralî bandorê li jiyana jinan dike. Tevî jinan hate nîqaşkirin ku tevgerên wekî heqareta devkî, sînorkirina aborî, tehdît, îzolasyon, şopandina bi israr û kontrola dîjîtal beşek ji tundiyê ne.
	
		&nbsp;
	
		Jinan têkoşîna xwe vegot
	
		&nbsp;
	
		Di rûniştinên ku bi awayekî înteraktîf dihatin meşandin de, jinan cureyên şîdetê yên ku di jiyana xwe ya rojane de rû bi rû dimînin û têkoşîna ku didin parve kirin. Jinên beşdarî xebatê bûn, dema mînakên şîdeta aborî yên wekî astengkirina beşdarbûna wan di jiyana xebatê de û sînorkirina lêçûnên wan digotin, anîn ziman ku barê lênêrîna hundirê malê (zarok, kal, paqijî, xwarin û hwd.) bi giranî li ser wan e û ev jî jiyana wan zehmet dike. Jinan diyar kirin ku dîtina keda wan a nediyar a di nava malê de wekî "karê jinê" û ne-qîmetkirina wê, carinan dihêle ku ew xwe bêqîmet hîs bikin.
	
		&nbsp;
	
		Xebatên hişyarkirinê dê bidomin
	
		&nbsp;
	
		Xebatên hişyarkirinê yên Serokatiya Daîreya Xizmetên Jin û Malbatê ku armanc dike jin xurt bibin, di rojên pêş de dê li navendên jiyanê yên jinan ên Qûçan, Ben û Sen û Lalebeyê bidomin.


	&nbsp;