Komir bihaye: Ji bo germbûnê em êzingan kom dikin

2025-11-30 09:02:28


	 

	 

	ENQERE - Bi hatina zivistnaê re jinên li dijî sermayê sobe danîn, diyar dikin ku ji bo komkirina êzingan zehmetiyan dikşînin û wiha gotin: “Ev ser sar e. Em sobeyê li odeyekê datînin. Odeyên din sar in. Komir pir bihaye. Hêza me ya girtinê tuneye. Ji neçarî em wisa xwe germ dikin.”

	 

	Bi hatina zivistnaê re jin li dijî sermayê amadekariya hewaya sar dikin, ji ber bihabûna komirê, êzingan stok dikin. Tona komirê navbera 9-11 hezarî de diguhere. Gaza xwezayî hîna neçûye gelek herêman. Fatureyên gaza xwezayî jî navbrea 2 hezar û 500 û 3 hezar û 500 lîrayî de diguhere. Malbatê nikarin vê bidin jî sobeyê datînin û bi êzingan xwe germ dikin. Lê sobe jî piranî li odeyekê tê danîn û cihên din germ nabin.

	 

	Li gundê Bîçer a navçeya Sîvrîhîsar a Eskîşehîrê hêj xeta gaza xwezayî tuneye. Mirovên li vir ji bo zivistanê diçin darên hişk yên li cihên bilind û dora çeman kom dikin. Ji bo barkirina van êzingan zehmetiyek mezin dikşînin.

	 

	Jinan der barê mijarê de ji ajansa me re nirxandin kirin.

	 

	Sê roj in em ji bo amadekariya zivistanê li vir in

	 

	Berfo Gungurur da zanîn ku ev sê roje ji bo komkirina êzingan tên vir û got ji bo sotemeniyê wê bikar bînin. Berfo Gungor wiha anî ziman: “Em pir zehmetiyan dikşînin. Zarokên min êzingan dibirin. Em jî kom dikin bi tratkorê tînin malê. Zivistanê ev der sar e. Em sobeyê tenê li odeyekê datînin. Odeyên din cemidîne. Komir bihaye. Em nikarin bigirin. Ji neçarî em tên êzingan kom dikin.”

	 

	‘Tona komirê 7-8 hezar e’

	 

	Berfo Gungurur wiha dirêjî dayê: “Gaza xwezayê hebûna jî me nikaribû bikar bianiya. Fature zêde tên. Sobe jî ne paqije. Koz, duman, ax. Pir zehmete. Odeyek tenê germ dibe. Zivistan sare. Tona komirê 8-9 hezare. Ji ber vê em zehmetiyan dikşînin.”

	 

	‘Êzing li gorî yên din lêçûna wê kêm e’

	 

	Seher Gungurur jî da zanîn ku ji bo êzingan kom bikin evqas rê diçin û wiha anî ziman: “Em ji dora çeman tînin. Em dibirin. Butçeya me têrî komirê nake. Em sibehan zû radibin. Zarok diçin dibistanê. Em li sewalan dinêrin. Hewa sar e. Em sobeyê datînin. Odeyên din sar in. Gaz hîna li gundê me tuneye. Êzing li gorî sotemeniyên din erzantire. Lê zehmetiya wê zêde ye. Gaz biha be jî ji bo me paqijî û rehetî bû. Em darên hişk dibirin tînin. Em diçin çewalan. Em sobeyê bi vê pêdixin. Lê germa êzingan heman derbas dibe. Her wiha zor û zehmetiya sobeyê pir zêde ye. Di hewaya cemidî de paqijkirina wê zehmete.”