STENBOL - Di panela bi sernavê "Dengên ku bilind dibin û têkoşînên ku dibin şirîkên hev" ku di bin serokatiya heft saziyên îmzeker de hat lidarxistin, peyama, "Her çend ziman û çanda me ji hev cuda bin jî, pirsgirêkên me hevpar in. Em li pey edaletê ne. Serkeftin dê bi berxwedana jinan pêk were" hat dayîn. 

 

Bi pêşengiya Tevgera Jinên Azad (TJA), FEM-MED), ÎHD), Navenda Bîr, Komeleya Dema Jinê, ANYAKAY-DER û MEBYA-DER'ê bi dirûşma "Dengên ku bilind dibin û têkoşînên ku dibin şirîkên hev" li avahiya Anarad Higutyun a li Harbiyeyê panelek li dar xist. 

 

Gelek parêzvanên mafên jinan, xizmên windayan, Dayikên Aştiyê, nûnerên rêxistinên jinan û gelek jin beşdarî panelê bûn. Her wiha ji Lubnan, Misir, Sirbistan, Cezayîr, Fas û Libyayê jî akademîsyên û aktîvîst jî beşdarî panelê bûn. Panel dê du rojan bidome. 

 

Îro di panelê de mijarên wekî "Berxwedan û destkeftiyên jinan di têkoşîna azadiya Kurdan de", "Welatê miriyan bê gor", "Windakirinên bi zorê: Belgekirin û perspektîfa zayendî di lêgerîna edaletê de", "Têkoşîna ji bo edaletê ya xizmên windayan" û "Rastî, edalet û mekanîzmayên tazmînatê" hatin nîqaşkirin.

 

Panel dê sibê jî bidome.