
'Em cîhanek bê tecrîd dixwazin' 

2018-06-23 09:02:13


	&nbsp;

	Rûken Goman

	&nbsp;

	DÊRIK - Jinên Hêzên Parastina Civakî tecrîda giran a li ser Rêberê PKK'ê Abdullah Ocalan şermezar kirin û gotin:"Coş û kelecana dilê jinên Kurd dê nehêle ku îradeya bi milyonan bê çewisandin."&nbsp;

	&nbsp;

	Jinên Hêzên Parastina Civakî yên Dêrika Qamişloyê tecrîda giran a li ser Rêberê PKK'ê Abdullah Ocalan şermezar kirin û diyar kirin ku ew cîhanek bê tecrîd dixwazin û gotin:"Heta ku Rêber Apo azad nebe dê aştî û azadî jî pêk neyê."

	&nbsp;

	'Mafê mirovekî wiha ne zindan e'

	&nbsp;

	Jina bi navê Hiyam Şahîn diyar kir ku Abdullah Ocalan ji bo mirovatiyê xizmetên mezin kiriye û got:"Rêber Apo her dem li dijî siyaseta çewt û pişaftinê sekiniye û mafên hemû mirovan parastiye. Mafê mirovekî wiha ne zindan e. Rêber Apo sîstema konfederalîzmê û çanda wekheviyê diparast loma ew hedef girtin û xistin nava çar dîwaran. Ew çi bikin bila bikin îradeya Rêber Apo û gelê Kurd tu carî teslîm nayê girtin."

	&nbsp;

	'Rêxistinên mafên mirovan rol û mîsyona xwe nalîzin'

	&nbsp;

	Xezala Hebeş bal kişand ser girîngiya felsefeya Abdullah Ocalan û wiha got:"Bi têkoşîna xwe ya bi salan em gav bi gav nêzî azadiyê dibin. Ev bi saya fikir û ramanên Rêber Apo ye jî. Divê kesên ku xizmeta aştî û azadiyê dike bê berdan. Fikir û ramanên Rêber Apo her dem rê li ber polîtîqayên qirkirinê girtiye û aştiyane ye. Loma hedef tê girtin. Rêxistinên Mafên Mirovan ên Navneteweyî jî di vê mijarê de rol û misyona xwe nalîzin û dibin sedema sûcê mirovatiyê. Ev deng sîstematîk û plankirî ye. Divê demildest dawî li vê bêdengiyê bê û tecrîda giran a li ser Rêber Apo bê rakirin. "

	&nbsp;