
Li dijî êrîşên li ser Efrînê li Til Temirê daxuyanî hat dayin

2018-02-23 17:58:54


	&nbsp;

	TIL TEMIR - Saziya Malbatên Şehîdan û Saziya Malbatên Aşûriyan bi daxuyaniyekê êrîşên li ser Efrînê şermezar kirin.

	&nbsp;

	Îro bi amadebûna dehan Malbatên Şehîdan ên Kurd û gelê Ereb û Aşûrî Saziya Malbatên Şehîdan tevî Saziya Malbatên Şehîdên Aşûrîyan daxuyaniyek hevpar dan raya giştî û daxwaz kirin ku rêxistinên navnetewî helwesta xwe ya li dijî êrîşên li ser Efrînê diyar bike. Daxuyanî ji aliyê Mihemed sayîd Şêxmûs ve hat xwendin.

	&nbsp;

	Di daxuyaniyê de bêdengiya rêxistinên mafên mirovan ên navneteweyî hat şermezarkirin û hat gotin ku divê hemû kes bi heman nêzikatiyê li Efrînê xwedî derkevin û li nirx û li nasnameya xwe xwedî derkevin. Bêdengiya li dijî komkujiyan nayê qebûlkirin divê li dijî vê yekê hemû cîhan bibin yek û nehêlin ku gelê Efrînê bê qetilkirin.

	&nbsp;

	Daxuyanî bi dirûşma"Bijî Berxwedana Efrînê","Bijî karwana gelan a aştîiyê û piştgiriya serdemiyan" bi dawî bû.&nbsp; &nbsp; &nbsp;

	&nbsp;

	&nbsp;