
Zanîngeha Rojava derbarê komploya navneteweyî de daxuyanî da 

2018-02-15 14:15:12


	&nbsp;

	QAMIŞLO - Zanîngeha Rojava bi daxuyaniyeke nivîskî komploya 15'ê Sibatê şermezar kir. &nbsp;&nbsp;

	&nbsp;

	Bi boneya şermezarkirina komploya navneteweyî Zanîngeha Rojava li Fakulteya Viyan Amara daxuyanî da. Bi dehan mamoste û şagirt beşdarî daxuyaniyê bûn.

	&nbsp;

	Li ser navê Zanîngeha Rojava daxuyanî ji aliyê Mamoste Merwa Ilyas ve hat xwendin.

	&nbsp;

	Di daxuyaniyê de hat ragihandin ku berxwedana gelê azadîxwaz li hember zilma Nemrûd û Fîravûnan serî netewandin û heta dawiyê li ser şopa heqîqet û rûmetê mafên xwe parastine.

	&nbsp;

	Her wiha di daxuyaniyê banga yekîtiyê hat kirin û wiha dewam kir:"Li ser navê hemû perwerdekarên Zanîngaha Rojava, em daxwaza maf û azadiyê dikin û li dijî komplogeran bi dilekî yek serî hildidin."

	&nbsp;

	'Tevî hemû hêza xwe ew nikarin hêviya me wenda bikin'

	&nbsp;

	Di daxuyaniyê de bal kişandin ser hêviya gelê kurd a ku her dem zindî ye û wiha dewam kir:"Tevî hemû zext û zordariyan gelê kurd hêviyên xwe wenda nekir û ev 19 sal in ku têkoşîna azadiya jinê agirê heqîqetê venemirî. Em ê heta dawiyê bi vê heqîqetê ji bo azadiya Rêber Apo têbikoşin."

	&nbsp;

	'Em komployê şermezar dikin û berxwedana serdemê slav dikin'

	&nbsp;

	Di daxuyaniyê de herî dawî wiha hat gotin:" Em weke Perwerdekarên Zanîngeha Rojava bi dil û bi can, berxwedana mamosteyê mezin Rêber Apo û şagirtên wî yên ku li Efrînê dîroka berxwedana serdemê li rûpelên dîrokê dikolin silav dikin û komployê bi zimanekî tund şermezar dikin. "&nbsp;

	&nbsp;

	Daxuyanî bi dirûşmên "Komplo wê bi serê komplogeran de hilweşe","Bijî hişmendiya mamosteyê mezin, Rêber Apo", "Bijî berxwedana Yekîneyên Parastina Gel", "Bimre komploya 15'ê Sibatê" bi dawî bû. &nbsp;

	&nbsp;