
Yekîtiya Ciwanên Êzidî: Bi rihê ciwanan dê komplo têk biçe 

2018-02-14 14:04:23


	&nbsp;

	Viyan Seid-Ehalm Heci

	&nbsp;

	ŞENGAL - Bi pêşengtiye jinên ciwan û Yekîtiya Ciwanên Êzidî (YCÊ) ji bo şermezarkirina komploya navneteweyî meş hat lidarxistin.

	&nbsp;

	Bi pêşengtiya jinên ciwan û Yekîneya Ciwanên Êzidî (YCÊ) bi boneya 19'emîn salvegera komploya navneteweyî ya li ser Rêberê PKK'ê Abdullah Ocalan li Şengalê meş hat lidarxistin.

	&nbsp;

	Meşê ji Qaê ya girêdayî gundê Kersê yê Şengalê dest pê kir heta Bexçê Serokatî dewam kir. Piştî rawestandina meşê daxuyanî hat dayin. Daxuyanî ji aliyê Hevseroka Meclîsa Xweseriya Demokratîk a Şengalê (MXŞD) Rîham Haco hat xwendin.

	&nbsp;

	Li ser navê ciwanan Ezda Vîyan axivî û got: “ Em wek jinên ciwan û YCÊ em vê çalakiyê li dijberî hêzên komploger li dar dixin. Ev 19 sal in li dijî sekin û têkoşîna ciwanan bi ser neketin. Berxwedana Efrînê, li dijî komploya navneteweyî bû bersivek xurt. Serkeftin a gelê Kurd e û dem dema xwedîderketandina azadiya Rêber Apo ye."

	&nbsp;

	Di daxuyaniyê de jî hat ragihandin ku sekin û vîna Gelê Kurd a li dijî komploya navneteweyî li cîhanê bû mînakek giranbiha.

	&nbsp;

	Her wiha di daxuyaniyê de behsa lîstokên komploger ên ku her dem bi rûyên xwe yên cuda derketine holê hat kirin û soza şopandina Arîn, Barîn, Avesta û Sakîneyan hat dayin. Erîşên li ser Efrînê jî di daxuyaniyê de hat şermezarkirin û soza xwedîderketandina berdxwedana serdemê hat dayin.

	&nbsp;