
Civîn Hemo: Komploya Navneteweyî li Efrînê dubare dibe 

2018-02-13 16:30:18


	&nbsp;

	Ronîda Hacî&nbsp;

	&nbsp;

	HESEKÊ - Hevseroka Kantona Hesekê Civîn Remo komploya li ser Rêberê PKK'ê Abdullah Ocalan şermezar kir û got: "Em ê bi vîn û îradeya xwe komployê vala derxin."

	&nbsp;

	Di 15'ê sibata 1999'an de di encama komployeke navneteweyî de, Rêberê PKK'ê Abdullah Ocalan hat girtin û radestî dewleta Tirkiyeyê hat kirin. Heta îro jî di bin tecrîdeke giran de li girtîgeha Imraliyê tê girtin. Têkildarî mijarê Hevseroka Kantona Hesekê Civîn Remo nirxandin kir.

	&nbsp;

	Civîn Remo diyar kir ku êrîşa li ser Efrînê berdewamiya komploya li ser Rêberê PKK'ê Abdullah Ocalan e û wiha pê de çû: "Îro li ser herêma Efrînê komployek tê meşandin. Em dikarin bêjin ku komploya li ser Rêber Apo dubare dibe. Neyarên Kurdan vê komployê dimeşînin da ku fikir û felsefeya Rêber Apo tengav bikin û aşîtiya gelan pêk neyê, lê li hember vê komployê berxwedanek bêhempa tê meşandin heta ku em bigihêje azadiyê."

	&nbsp;

	'Berxwedana li Efrînê bersiva komploya li ser Rêber Apo ye'

	&nbsp;

	Civînê wiha dawî li axaftina xwe anî: "Ixaneta dîrokê li Efrînê xwe dubare kir, çawa dewletên navneteweyî li hev kirin û Rêber Apo kirin girtîgehê , îro careke din dewleta Tirk û Rûsiyayê li hev kirin û êrîşî Efrînê kirin ji bo ku gel negihêje pergaleke azad û demokratîk. Rêber Apo bi fikir û felsefeya xwe ku li tevahî cîhanê belav bûye komplo vala derxist û niha jî berxwedana gel li Efrînê ew ê komployê vala derxe. Bijî serok Apo, bijî berxwedana Efrînê."&nbsp;

	&nbsp;