
Jinên Ereb: Dê berxwedana Efrînê bi ser bikeve 

2018-01-29 09:16:47


	&nbsp;

	Rûken Goman

	&nbsp;

	GIRKÊLEGÊ - Jinên Ereb ên navçeya Girkêlegê êrîşên dewleta li ser herêma Efrînê bi tûndî şermezar kirin û diyar kirin ku projeya pergala netewa demokratîk ya Bakurê Sûriyeyê hemû netewan di bin sîwana xwe de diparêze. Loma dê berxwedana Efrînê bi ser bikeve. &nbsp;

	&nbsp;

	Di derbarê êrîşên dewleta tirk ên li ser Efrînê jinên ereb nêrînên xwe anîn ziman û bertek nîşanî êrîşan dan. Jinên Ereb ên navçeya Girkêlegê ya girêdayî Kantona Qamişloyê ya Herêma Cizîrê êrîşên li ser Efînê bi tûndî şermezar kirin û diyar kirin ku ew Efrînê tenê nahêlin û ew ê têkoşîna xwe berdewam bikin.&nbsp;

	&nbsp;

	'Em wekî jinên Ereb ji bo Efrînê serî hildidin'

	&nbsp;

	Jina Ereb a bi navê Mûna Alnasir êrîşên dewleta tirk ên li ser herêma Efrînê şermezar kirin û got:" Zarok, jin, ciwan û kal bi hev re tên qetilkirin û dewletên navneteweyî li dijî vê yekê bê deng in. Ka edalet û demokrasiya wan li ku ma? Dewleta tirk wekhevî û yekîtiya netewan ku îro li Rojava mîsoger dibe qebûl nake. Lê her ku ew êrîşî me bikin dê îradeya me xurtir bibe. Em ê wekî jinên Ereb dev ji têkoşîna xwe bernedin û piştgiriyê bidin Efrînê."

	&nbsp;

	'Dê li Efrînê yekbûna gelan bi ser bikeve'

	&nbsp;

	Her wiha Meryem Ibrahîm jî dest nîşan kir ku wekheviya gelan û pergala netewa demokratîk îro bi ser ketiye û wiha domand:" Em berî her tiştî van êrîşan bi tundî şermezar dikin. Îro êrîşên ku li ser Efrînê tên kirin li ser hemû gelê Rojava û Bakurê Sûriyeyê tên kirin. Li hemberî van planên qirêj, em ê têbikoşin û koletiyê qebûl nekin. Her roj em ê li qada bin, di nav tevger û çalakiyan de bin heta ku êrîşên li ser Efrînê bi dawî bibin."

	&nbsp;