
Zarokên Şengalê di bin konan de barana zivistanê pêşwazî kirin 

2018-01-02 16:20:19


	&nbsp;

	Ehlam Hecî&nbsp;

	&nbsp;

	ŞENGAL - Demsala zivistanê ji bo kesên ku derfetên wan ên aborî kêm be gelek zehmet derbas dibe. Li Çiyayê Şengalê jî hinek malbat hîn di nava konan de dijîn û bi zordariyên sermayê re rû bi rû dimînin.&nbsp;

	&nbsp;

	Piştî ku çeteyên DAÎŞ'ê êrîşî Şengalê kirin gelek kes kuştin, revandin, firotin, malên wan talan kirin. Loma gelek kes ji mafên xwe yên jiyanê yên herî rewa bêpar man û mecbûr man ku li Çiyayên Şengalê û di nava konan de bijîn. Di demsala zivistanê de gelek zarokan jî di nava konan de baran û seqem pêşwazî kirin. &nbsp;

	&nbsp;

	Gelek malbatên ku di şerê DAÎŞ'ê de mecbûr man ku koç bikin li Çiyayê Şengalê û di nava konan de têkoşîna jiyanê dikin. Gelek zarokan jî bi cilên havînê baran û seqema zivistanê pêşwazî kirin. &nbsp;