
Emma Sînclaîr-Webb: Ji ber ku penaber mijara bazarê ne Ewropa bêdeng e 

2017-12-18 09:14:55


	&nbsp;

	Duygu Cînîvîz

	&nbsp;

	AMED-Raportora Şopandina Mafên Mirovan Emma Sînclaîr-Webb diyar kir ku binpêkirinên mafan yên li Tirkiyeyê kirine rapor û pêşkêşî Neteweyên Yekbûyî, Yekitiya Ewropayê û Konseya Ewropayê kirine û ev tişt got: “Ewropa rewşa li Tirkiyeyê baş dizane lê ji ber peymana penaberan ya bi Tirkiyeyê re hatiye kirin, bêdeng e.”

	&nbsp;

	&nbsp;Raportora Şopandina Mafên Mirovan Emma Sînclaîr-Webb ku bi wesîleya 10-17’ê Qanûnê Hefteya Mafên Mirovan a Cîhanê li Amedê ye, der barê zextên li Tirkiyeyê roj bi roj zêde dibin de nirxandin kir. Emma balkişand ser parlamenterên hatine girtin, qeyûmên hatine tayînkirin, zextên li ser rojnamegeran û furyaya binçavkirin û girtinê û ev tişt anî ziman: “Qeyûmên tayînî şaredariyan hatine kirin, êrîşên li dijî rêveberiyên herêmî li dijî rêgezên demorkatîk in. Em bi awayekî baş nikarin nebûna demokrasiyê ya li hinek herêmên Tirkiyeyê bînin rojevê.”

	&nbsp;

	‘Îradeyên siyasî tên xespkirin’

	&nbsp;

	Emmayê bi lêv kir ku der barê girtina parlamenter û binpêkirinên mafan yên giran de rapor amade kirine û wiha dirêjî da axaftina xwe: “Me girtina hevşaredaran, siyasetmedaran, xespkirina mafên rojnamegeran li ber çavan girt lê mixabin li Tirkiyeyê di demên dawî de gelek binpêkirinên mafan hatin jiyîn. &nbsp;Îradeya mîlyonan kesî di girtîgehan de ye û ev jî tê wateya xespkirina îradeya siyasî. &nbsp;Siyasetmedarên divê niha xebatên siyasî meşandibûna &nbsp;dîl girtîne.”

	&nbsp;

	‘Li dijî rêgezên demokratîk in’

	&nbsp;

	Emmayê destnîşan kir ku êrîşên li dijî siyasetmedaran heta şaredariyan dirêj bûne û ev rewş li dij rêgezên demokratîk in û wiha dirêjî da axaftina xwe: “Qeyûmên hatine tayînkirin, êrîşên li dijî rêveberiyên herêmî ne û li dij rêgezên demokratîk in. Di heman demê de jî binpêkirina mafan e. Her wiha binpêkirinên mafan yên li Tirkiyeyê bi awayekî baş nabin rojev.”

	&nbsp;

	Emmayê di berdewama axaftina xwe de ev tişt vegot: “Yek ji armancên Rêxistina Şopandinê ya Mafên Mirovan eve ku binpêkirinên mafan lêkolîn bike û bikin rapor. Di raporên em amade dikin de em ji bo hikûmetê pêşniyaran dikin. &nbsp;Derbarê rapora îşkenceyê de du hefte berê me bi hikûmeta Tirkiyeyê re hevdîtin kir. Me gelek bûyerên şênber pêşkêş kirin lê gelek caran rastî bertekan hat û ji me re hat gotin ‘Hun an di bin bandora FETO’yê de tevdigerin an jî di bin bandora komên terorê de ne’. Lê em bi giştî bê alî xebatên xwe dimeşînin.”

	&nbsp;

	‘Ewropa bêdenge’&nbsp;

	&nbsp;

	Her wiha Emmayê got der barê binpêkirina mafan de rapor pêşkêşî NY, KE û YE’yê &nbsp;kirine û wiha dawî li axaftina xwe anî: “Ewropa rewşa Tirkiyeyê baş dizane lê ji ber peymana penaberan ya bi Tirkiyeyê re kiriye, di bêdengiyek mezin de ye. Ji bo dewletên Ewropayê ya girîng ev e ku penaber neyên welatên wan. Ji ber vê rewşa siyasetmedarên girtî, binpêkirina mafan û pergala serokatiyê dide aliyekî. Ev bêdengî jî di alî konjoktora siyasî de dibe sedema xerabûnê.”

	&nbsp;