
Dayika Cemîle ya ku li Sûrê dijî bi fikar e

2017-11-03 09:18:58


	Rojda Aydin

	AMED - Hilweşandina avahiyên etapa yekem a Sûrê qediya derbasî etapa duyem &nbsp;hatiye kirin. Li taxa Alîpaşaya ku hilweşandina etapa duyem a ku dest pê kiriye dayika bi navê Cemîle Tekera(80) &nbsp;got ku dema ku baxçeyê wê tunebûye , gotiye ku bila beton be lê çêtire ji tunebûnê. Lê niha mala ku ew tê de dijî bifikare ku wê were hilweşandin.

	&nbsp;

	Piştî hilweşandina etapa yekem a ku li taxên Lalebey û Alîpaşayê dest pê kiribû bi dawî bû niha jî dest bi hilweşandina etapa duyem hatiye kirin. Dayika 80 salî Cemîle Teker bi çavên girî ve hilweşandinê etapa duyem a ku li taxa Alîpaşayê dest pê kiriye &nbsp;temaşe dike. Dayika Cemîle ya ku di temenê 15 salî de zewiciye û hatiye li Sûrê bi cih bûye niha jî şahidiyê ji hilweşandina Sûrê re dike.&nbsp;

	&nbsp;

	Li hemû taxên Sûrê jiya ye

	&nbsp;

	Dayika Cemîle anî ziman ku ji ber ji &nbsp;aliyê aboriyê de rewşa wan nebaşe li taxên Sûrê yên cur bi cur de bi kirê jiyaye û wiha &nbsp;behsa cîrantî û hevaltiya li taxên Sûrê kir: “Di her kolan û taxên Sûrê de cîran û hevalên min hebûn. Yanê ez bî gelê Sûrê re bûm weke malbatekê. Em hem di rojên xweş de û hem jî di rojên bi êş de li gel hev bûn. Em dermanê birînên hev bûn. Wê demê heskirin hebû. Elbet wê &nbsp;demê wateya heskirinê cuda bû. Mirov li dijî hev ne kîdar bûn.”

	&nbsp;

	'Li gel şert û mercên zahmet jî em kêfxweş bûn'

	&nbsp;

	Dayika Cemîle ya ku dayika du zarokan e derbarê jiyana xwe de wiha got: “ Sê zarokên min di zikê min de mirin. Wê demê ji bo ku em debara xwe bikin em li baxçe û bostanan dixebitîn û me fêkî û zebze &nbsp;kom dikir. Ji ber karen giran sê zarokên min di zikê min de mirin. &nbsp;Her wiha wê demê karê malê jî zehmet bû. Şert û merc ne wekî yên niha bûn. &nbsp; Lê dîsa jî em kêfxweş bûn. Ji ber ku parvekirin hebû.”

	&nbsp;

	'Ez ji bilî Sûrê nikarim li cihekî din bijîm'

	&nbsp;

	Dayika Cemîle ya ku 80 saliyê û ev 16 sale li Sûrê di xaniyê ku bi kirê lê rûdinê, li aliyekî hilweînê temaşe dike û li aliyekî jî ji me re çîroka xwe dibêje wiha dawî li axaftina xwe anî: " Jiyana min &nbsp;li ber çavên min hildiweşînin. Bi salan e ez li li taxên Sûrê di kirê de dijîm û ev 16 sal e ku ez di vî xaniyê niha hildiweşînin de, li gel lawê xwe bûka xwe û 3 neviyên xwe di kirê de dijîm. Baxçeyê xanî tune bû lê min digot ger ku ez ji bedêla bexçe li ser betonê bijîm jî bila li Sûrê bijîm."&nbsp;

	&nbsp;