
Tehliyeya Melîke Goksu cara 3’yemîn hate astengkirin

2026-05-15 12:11:29


	&nbsp;

	ENQERE - Tehliyeya Hevşaredara Qereyaziyê ya berê Melîke Goksu bi hinceta “tevli lijneyê nebûye” cara 3’yemîn hate astengkirin.

	&nbsp;

	Melîke Goksu ya ku di Hilbijartinên Xwecîhî yên 2019’an de wek Hevşaredara Qereyazî ya Erziromê hatibû hilbijartin, di 18’ê Îlona 2019’an de bi îdîaya “endamtiya rêxistinê” hatin girtin. Piştî darazê 7 sal û 6 meh cezayê hefsê li Melîke Goksuyê hate birîn û bi biryara Wezareta Karê Hundir li şûna wê qeyûm hate tayînkirin.

	&nbsp;

	Tehliyeya Melîke Goksu ya ku li Girtîgeha Jinan a Sîncanê tê ragirtin ji aliyê Lijneya Îdarî û Çavdêriyê ve bo sê mehan hate astengkirin. Melîke Goksu ya ku cezayê xwe temamkiriye cara 3’yemîn tehliyeya wê bi hinceta “tevli lijneyê nebûye” hate astengkirin.

	&nbsp;

	Tehliyeya Melîke Goksu ya ku ji sala 2019’an ve girtî ye di Hezîrana 2025’an de 3 meh, di Mijdara 2025’an de 6 meh hatibû astenkirin.

	&nbsp;