
Meşa 'Mafê Hêviyê': Divê rêziknameyên azadiyê werin bicîhanîn  

2026-02-27 14:35:51


	&nbsp;

	AMED - Di meşa ku daxwaza pêkanîna "Mafê hêviyê" hat kirin de, wiha hat gotin, "Em bang li Parlamento û Wezareta Dadê dikin ku bêyî derengmayînê rêziknameyên qanûnî yên ku 'mafê hêviyê' garantî dikin û azadiyê di navenda qanûnê de bi cih tînin, bicîh bînin."

	&nbsp;

	Komeleya Hiqûqnasên ji bo Azadiyê (OHD), &nbsp;bi dirûşma “Bila mafê hêviyê demildest pêk bê” li Amedê meş li dar xist. Ji bajarên Kurdistan û Tirkiyeyê bi sedan parêzer bi cubeyên xwe, sazî û dezgehên sivîl, Dayikên Aştiyê û gelek kes tevlî bû. Parêzeran bi pankarta “bila mafê hêviyê demildest pêk bê” li ber Mizgefta Mezin a Sûrê kom bûn û ji vir heta Edliya Amedê bi dovîzên “Hêviya hêviyê mafê gelan e” meşiyan. Di meşê de tim dirûşmeya “Mafê hêviyê nikarin astengbikin”, “Ragînerê aştiyê li Îmraliyê ye” û “Bijî Berxwedana Zindanan” hat berzkirin. Girseya ku gihişt li ber edliyê, li ser navê parêzeran Seroka Giştî ya OHD’ê Ekîn Yeter daxuyaniyê xwend. &nbsp;

	&nbsp;

	Ekîn Yeter destnîşan kir ku bêyî avakirina bingehek zagonî ji bo aştî, çareseriyên demokratîk û edaleta civakî, ne mimkûn e ku Tirkiye û Rojhilata Navîn ji krîzên xwe yên siyasî, civakî û mirovî yên kûrtir derkevin û wiha got: “Tiştê ku îro pêwîst e avakirina pergalekê ye ku tê de qanûn qaîde be, ne îstîsna, û mafên mirovan, ne keyfî, faktorên diyarker bin. Pêkanîna hevgirtin û jiyana hevbeş li ser bingeha prensîbên biratiyê tenê bi naskirin û garantîkirina mafên siyasî û kolektîf ên gelê Kurd li ser bingeha hemwelatîbûna wekhev mimkun e. Ji bo ev rastiya dîrokî ku xwedî dîrokeke hezar salî ye, formeke demokratîk bigire, pêwîst e Birêz Ocalan rola xwe li ser platformeke nû bilîze. Ev rol û têkoşîn xwedî potansiyela xurtkirina beşdariya civakî û entegrasyonê, girtina valahiya demokratîk a sedsalê û bilindkirina civakê bo astek ku bi normên demokratîk ên hemdem re lihevhatî be, ne.”

	&nbsp;

	Bingeha şerê aştiyê

	&nbsp;

	Ekîn Yeter wiha domand, “Pêkanîna 'Mafê hêviyê'; misogerkirina azadiya fizîkî ya Birêz Abdullah Ocalan; bidawîanîna dûrxistina Kurdan û hemû beşên civakê ji serweriya hiqûqê û avakirina çarçoveyek ji bo entegrasyona demokratîk şertên bingehîn ên aştiyeke rastîn û mayînde ne.&nbsp;

	&nbsp;

	Em, Komeleya Hiqûqnasên Azadiyê, bang li Meclîsa Mezin a Tirkiyeyê û Wezareta Dadê dikin ku bêyî derengmayînê rêziknameyên qanûnî yên ku mafê hêviyê garantî dikin û azadiyê di navenda qanûnê de bi cih tînin, bicîh bînin.”

	&nbsp;

	Meş û daxuyanî bi dirûşmeyan bi dawî bû.

	&nbsp;